Modern Spiritual Wisdom

حضرت عثمان غنی رضی اللہ عنہٗ کا لقب 'ذوالنورین' یعنی دو نوروں والاہے کیونکہ رسول اللہ صلی اللہ علیہ وآلہٖ وسلم کی دو صاحبزادیاں، حضرت رقیہؓ اور حضرت اُم کلثومؓ یکے بعد دیگرے ان کے نکاح میں آئیں۔یہ فضیلت کسی اور کے حصہ میں نہیں آئی کہ کسی نبی کی دو بیٹیوں کا عقد ایک ہی شخص سے ہوا ہو۔

حضرت عثمان غنی رضی اللہ عنہٗ کی سب سے بڑی فضیلت آپؓ کا صاحب ِشرم و حیا ہونا ہے، آپؓ کی شرم و حیا سے فرشتے بھی حیا کرتے تھے۔

تصوف میں حضرت عثمان ؓ کو عارفین ِصابر کا امام سمجھا جاتا ہے۔

حضرت عثمان غنی رضی اللہ عنہٗ نے شہادت قبول کر لی لیکن اپنی خاطر کسی کو ہتھیار اٹھانے کی اجازت نہ دی تاکہ امت ِرسول گروہوں میں تقسیم نہ ہو جائے۔

حضرت عثمان غنی رضی اللہ عنہٗ کی حسرت ناک شہادت نے اسلام پر ایسی ضرب لگائی کہ مسلمانوں کا اتحاد چکنا چور ہو گیا اور اسلام کے مستقبل پر اس کے بہت گہرے اثرات مرتب ہوئے، یہ حقیقت ہے کہ حضرت عثمانؓ کی شہادت کے بعد مسلمانوں کی وحدت میں جو دراڑ پیدا ہوئی وہ آج تک پُر نہ ہو سکی اور مسلمان فرقوں، گروہوں اور مسلکوں میں تقسیم در تقسیم ہوتے چلے گئے اور ہوتے چلے جا رہے ہیں۔